"სანქტ-პეტერბურგში ბიზნესმენი ალექსანდრე ებრალიძე დააკავეს" - რას წერს რუსული მედია?
სანქტ-პეტერბურგში „საქართველოს ხალხთა მსოფლიო კონგრესის“ დამფუძნებელი, ბიზნესმენი ალექსანდრე ებრალიძე დააკავეს.
რუსული სააგენტო "რია ნოვოსტის“ ინფორმაციით, მისი დაკავება უკავშირდება გაფლანგვის საქმეს.
ადგილობრივი მედია იუწყება, რომ მის წინააღმდეგ საქმე აღიძრა 2016 წელს „კონსტანს ბანკიდან“, დაახლოებით, სამი მილიარდი რუბლის დაკარგვის გამო, რომლის მფლობელი ებრალიძე იყო.
შემოწმების შემდეგ, მას ლიცენზია ჩამოერთვა.
ებრალიძე ასევე, ცნობილია როგორც კომპანია „თალიონის“ დამფუძნებელი. 2009 წელს კი საქართველოს ხალხთა კონფერენციაზე, სოჭში განაცხადა, რომ საქართველოს პრეზიდენტობაზე იყრიდა კენჭს.