"როცა მსოფლიოში საუკეთესო ხარ და შენმა შვილებმა ეს იციან" - ლეო მესის მეშვიდე ოქროს ბურთი და შვილები, რომლებიც დაჯილდოების ვარსკვლავებად იქცნენ (ფოტოები)
არგენტინელი ფეხბურთელი, ლეო მესი, რომელიც ამჟამად ფრანგული პარი-სენ ჟერმენის ღირსებას იცავს, კარიერაში მეშვიდედ დასახელდა მსოფლიოს საუკეთესო ფეხბურთელად და შესაბამისად, მეშვიდედ გადაეცა ფეხბურთში ყველაზე პრესტიჟული ჯილდო, ოქროს ბურთი, რაც რეკორდია.
34 წლის მესიმ მიმდინარე წელს თავის ქვეყანას "კოპა ამერიკა" მოაგებინა, რაც მისი პირველი ჯილდო იყო ეროვნულ ნაკრებთან ერთად. 2021 წლის განმავლობაში გაიტანა 40 გოლი - 28 ბარსელონას რიგებში, ოთხი პარიზულ კლუბში, ხოლო რვა არგენტინის ეროვნულ ნაკრებში.
პოლონელი თავდამსხმელი, რობერტ ლევანდოვსკი წელს ოქროს ბურთის მოგების ერთ-ერთ მთავარ პრეტენდენტად მიიჩნეოდა, თუმცა ამჯერადაც მის გარეშე დარჩა და საუკეთესო ფეხბურთელების რეიტინგში მეორე ადგილი დაიკავა, ჩელსის იტალიელი ნახევარმცველი, ჟორჟინიო მესამე ადგილზე გავიდა, მადრიდის რეალის ფრანგი შემტევი, ქარიმ ბენზემა კი მეოთხე პოზიციას დასჯერდა.
- ოქროს ბურთის დაჯილდოების ფარგლებში საუკეთესო ფეხბურთელების გამოსავლენად ხმა მსოფლიოს სხვადასხვა ქვეყნის 180-მა ჟურნალისტმა მისმა.
"შესანიშნავია ისევ აქ ყოფნა ორი წლის წინ ვფიქრობდი, რომ ოქროს ბურთი უკანასკნელად მოვიგე. მაშინ უკვე ადამიანები მეკითხებოდნენ, როდის დავანებებდი ფეხბურთის თამაშს თავს , მაგრამ ახლა მე აქ ვარ, პარიზში და ძალიან ბედნიერი ვარ. არ ვიცი არის თუ არა ეს ჩემს ცხოვრებაში საუკეთესო წელი. მე ხანგრძლივი კარიერა მქონდა, მაგრამ ეს ნამდვილად იყო განსაკუთრებული, ბევრი კრიტიკის შემდეგ არგენტინასთან ერთად მოგებული ტიტულით“, - აღნიშნა მესიმ სიტყვით გამოსვლისას.
- მანვე მიმართა პოლონელ ფეხბურთელს, რობერტ ლევანდოვსკის:
"რობერტს მინდა ვუთხრა, რომ ჩემთვის პატივია მასთან მეტოქეობა, ის იმსახურებდა ამ ჯილდოს მოგებას“, - აღნიშნა მესიმ.
- ლეო მესი ცერემონიაზე ოჯახთან ერთად, ცოლთან და სამ შვილთან ერთად მივიდა. სოციალურ ქსელში სწორედ მისმა ოჯახურმა ფოტოებმა მიიპყრო დიდი ყურადღება. მესისა და მის სამ შვილს ერთნაირი სამოსი ეცვა.
განსაკუთრებული პოპულარობით სარგებლობს ვიდეო, სადაც ჩანს თუ როგორი რეაქცია აქვთ მის შვილებს მამის კიდევ ერთ აღიარებაზე:
<blockquote class="twitter-tweet"><p lang="en" dir="ltr">Messi is the greatest of all time and his kids know it 🥺😭 <a href="https://t.co/n4POJlEhvh">pic.twitter.com/n4POJlEhvh</a></p>— Sia ²⁴ #LM7 (@fcbsiaaaa) <a href="https://twitter.com/fcbsiaaaa/status/1465425030322528258?ref_src=twsrc%5Etfw">November 29, 2021</a></blockquote> <script async src="https://platform.twitter.com/widgets.js" charset="utf-8"></script>"მესი მსოფლიოში ყველა დროის საუკეთესო ფეხბურთელია და მისმა შვილებმა ეს იციან“, - ასე აფასებენ "ტვიტერში“ ბავშვების რეაქციას.