თბილისის საქალაქო სასამართლოს ეზოში გიგი უგულავასა და ბესიკ თამლიანის მხარდამჭერებმა აქცია-პერფორმანსი გამართეს

თბილისის საქალაქო სასამართლოს ეზოში გიგი უგულავასა და ბესიკ თამლიანის მხარდამჭერებმა აქცია-პერფორმანსი გამართეს.

აქციის მონაწილეებს ბანერები წარწერით: "არა მონობას, თავისუფლება გიგის!”. "თავისუფლება უკანონოდ დატყვევებულ ბესო თამლიანს”, და ა.შ. ეჭირათ.

მათი განცხადებით, აქციის მთავარი მიზანი ყველა იმ უკანონო პატიმრის მხარდაჭერაა, რომლებიც სამართალდამცავებმა 29 ნოემბერს გამართულ აქციაზე დააკავეს.

„მხარდაჭერას ვუცხადებთ ყველა იმ უკანონო პატიმარს, რომელიც ივანიშვილის პირადმა მონებმა დააკავეს აქციაზე, ყველას ნამდვილად ვერ დაგვიჭერენ, ეს არის ჩვენი თავისუფალი სიტყვა, რომელსაც ნებისმიერ ადგილას დავაფიქსირებთ და ამის გამო არ უნდა მოხდეს იმ აქტივისტების დაკავება, რომლებიც გამოხატავენ საკუთარ აზრს. გვსურს კიდევ ერთხელ დავაფიქსიროთ, რომ ყველა პოლიტპატიმარი იყოს თავისუფალი ამ ქვეყანაში”, - აღნიშნა აქციის ერთ-ერთმა მონაწილემ.