"მომავალ წელს 200 ერთეული 18- მეტრიანი ავტობუსების შეძენას ვაპირებთ" - კალაძე

რატომ დადიან ავტობუსები დაგვიანებით? - ეს ხდება საცობების გამო. ამიტომ არის ჩვენს მიერ გადადგმული ნაბიჯები იმისკენ, რომ ქალაქში ინფრასტრუქტურული სამუშაოების დროს, პროექტების მიხედვით გავაჩინოთ საავტობუსე ზოლები , - ამის შესახებ თბილისის მერმა, კახა კალაძემ ჟურნალისტებს განუცხადა.

როგორც დედაქალაქის მერმა აღნიშნა, მუნიციპალიტეტმა 180 ერთეული ავტობუსი შეიძინა.

როგორც კალაძემ აღნიშნა, დამატებით თბილისში, მომავალ წელს 200 ერთეული ავტობუსი შემოვა.

„რატომ დადიან ავტობუსები დაგვიანებით? - შარშან დამატებით 180 ერთეული ავტობუსი შევიძინეთ, რომელიც წლის ბოლომდე სრულად შემოვა. ამასთან, მიკროავტობუსები ემატება და მომავალ წელს 200 ერთეულის 18- მეტრიანი ავტობუსების შეძენას ვაპირებთ. რაც შეეხება დაგვიანებას, ეს ხდება საცობების გამო. ამიტომ არის ჩვენს მიერ გადადგმული ნაბიჯები იმისკენ, რომ ქალაქში ინფრასტრუქტურული სამუშაოების დროს, პროექტების მიხედვით გავაჩინოთ საავტობუსე ზოლები. ეს რამდენიმე ქუჩაზეა, რაც არ არის საკმარისი, ეს უნდა მოხდეს მთელი ქალაქის მასშტაბით. ცხადია, ყველგან ვერ გაკეთდება, რადგან ყველა ქუჩას სჭირდება კვლევა და ამის შედეგად ხდება გადაწყვეტილებების მიღება სატრანსპორტო პოლიტიკის მიმართულებით. საზოგადოებრივი ტრანსპორტი იქნება ყველაზე სწრაფი და კომფორტული“, - განაცხადა კალაძემ.