ქართველი მოქანდაკის კარლო გრიგოლიას გამოფენას სახელმწიფო სამხატვრო აკადემია მასპინძლობს
„აკრძალული ხელოვნება“, ამ სახელწოდებით გაიხსნა ქართველი მოქანდაკის კარლო გრიგოლიას გამოფენა საქართველოს კულტურის, სპორტისა და ახალგაზრდობის სამინისტროს მხარდაჭერით, რომელსაც საქართველოს სახელმწიფო სამხატვრო აკადემია 2 დეკემბრიდან მასპინძლობს.
ექსპოზიცია დამთვარიელებელს სთავაზობს იხილოს აბსტრაქციონისტი მოქანდაკის ნამუშევრები, რომლის ძირითადი ნაწილი საბჭოთა კავშირის დროს ეგრედ წოდებული „რკინის ფარდის“ პერიოდში გასაიდუმლოებულად შეიქმნა. გამოფენაზე წარმოდგენილი 15 მდე ნამუშევრით ორგანიზატორებმა აქცენტები გაკეთეეს არა კონკრეტულ თემატიკაზე, არამედ ზოგად გამომსახველობით ფორმებზე. კარლო გრიგოლიამ სწორედ ამ გამორჩეული ფორმებითა და თვითმყოფადი მოდერნისტული ხედვით თანამედროვე ხელოვნება ახალ საფეხურზე აიყვანა.
შემოქმედების ძირითად ეტაპებზე მისი მკვეთრად დასავლური ხედვის გამო უამრავი წინააღმდეგობა შეექმნა. მისმა შემოქმედებითმა ძიებებმა, აბსტრაქტული ქანდაკების მისეულმა კონცეფციამ და უკომპრომისო ხასიათმა საბჭოთა ხელისუფლების გაღიზიანება და მისი, როგორც ხელოვანის შევიწროვება გამოიწვია.
„ საბჭოთა საქართველოში აბსოლუტურად აკრძალული იყო მოდერნიზმზე ფიქრიც კი, ამიტომ საკუთარი ფანტაზიის გამოყენება დამჭირდა ინდივიდუალური კონცეფციის შესაქმნელად“ -იხსენებდა მოქანდაკე.
აღსანიშნავია, რომ ექსპოზიციაზე გამოტანილი ნამუშევრების უმეტესოაბა პირველადაა წარმოდგენილი ფართო აუდიტორიის წინაშე, რომლის დათვალიერებაც 5 დეკემბრამდე არის შესაძლებელი.