"რუსეთი საქართველოში მას შემდეგ შეიჭრა, რაც 2008 წელს მისი ნატო-ში გაწევრიანების გზა დაბლოკეს" - უკრაინის თავდაცვის მინისტრი

"სტრატეგია: არ მოხდეს რუსეთის პროვოცირება, არ მუშაობს და არ იმუშავებს. რუსეთი საქართველოში მას შემდეგ შეიჭრა, რაც 2008 წელს ბერლინმა და პარიზმა ქვეყანის ნატო-ში გაწევრიანების გზა დაბლოკეს" – ამის შესახებ უკრაინის თავდაცვის მინისტრმა, ალექსეი რეზნიკოვმა, გამოცემა Financial Times-თან ინტერვიუში განაცხადა.

მისი თქმით, მიუხედავად იმისა, რომ აშშ-მა დასავლეთი რუსული ძალების უკრაინაში შესაძლო შეჭრის შესახებ გააფრთხილა, გერმანიამ ნატო-ს საშუალებით უკრაინისთვის იარაღის მიწოდება დაბლოკა.

"ისინი ჯერ კიდევ აშენებენ "ჩრდილოეთ ნაკადი 2“-ის მილსადენს და ამავე დროს ბლოკავენ ჩვენს თავდაცვით იარაღს. ეს ძალიან უსამართლოა“, – აღნიშნა უკრაინის თავდაცვის უწყების ხელმძღვანელმა.

მისი თქმით, უკრაინა შეეცდება იარაღის შეძენას მოკავშირეებთან, მათ შორის აშშ-სთან, გაერთიანებულ სამეფოსთან, ლიეტუვასთან და საფრანგეთთან ორმხრივი გარიგებების გზით.