ინდონეზიაში 7.4 მაგნიტუდის სიმძლავრის მიწისძვრა მოხდა
ინდონეზიის აღმოსავლეთ ნაწილში 7.4 მაგნიტუდის სიმძლავრის მიწისძვრა მოხდა, - ინფორმაციას Reuters-ი მეტეოროლოგიურ სამსახურზე დაყრდნობით ავრცელებს.
მათივე ინფორმაციით, მიწისძვრის ეპიცენტრი ფლორესის ზღვაში, 12 კმ სიღრმეზე დაფიქსირდა.
მოლუკის, აღმოსავლეთი მცირე ზონდის კუნძულების, დასავლეთ მცირე ზონდის კუნძულებისა და სამხრეთ-აღმოსავლეთ და სამხრეთ სულავესისთვის ცუნამის გაფრთხილება გამოიცა.
სოციალურ ქსელში ვრცელდება კადრები, სადაც ჩანს, რომ ადამიანები ქუჩებში გარბიან.
ჯერჯერობით არ ვრცელდება ინფორმაცია დაშავებულების, ან დაღუპულების შესახებ.