ავტორი:

"ვისაც ახლა სესხის პროცენტი გაეზარდათ, როგორც კი გადაივლის ეს ფაქტორები, მათი საპროცენტო განაკვეთი შემცირდება" - კობა გვენეტაძე

"ვისაც ახლა სესხის პროცენტი გაეზარდათ, როგორც კი გადაივლის ეს ფაქტორები, მათი საპროცენტო განაკვეთი შემცირდება" - კობა გვენეტაძე

ეროვნული ბანკის პრეზიდენტის, კობა გვენეტაძის განცხადებით, რეფინანსირების განაკვეთი შესაძლოა, შემცირდეს. ამის შესახებ გვენეტაძემ პარლამენტის პლენარულ სხდომაზე განაცხადა.

როგორც მან განმარტა, რეფინანსირების განაკვეთმა გარემო პირობების გათვალისწინებით მოიმატა, თუმცა, შესაძლებელია მისი შემცირება ამ ფაქტორების გადავლის შემდეგ.

"მაშინ, როდესაც გარემო-პირობები მოითხოვს გამკაცრებას, აუცილებელია გამკაცრდეს [რეფინანსირების განაკვეთი], თორემ თუ არ გამკაცრდა, შეიძლება მომავალში კიდევ უფრო მეტი გამკაცრება იყოს საჭირო. დროული გამკაცრების შემდეგ ასევე დროულად მოხდება საპროცენტო განაკვეთის შემცირება და საბოლოოდ, თუ მთლიანად შევხედავთ, აქ ოპტიმალური შედეგი უნდა დადგეს ისევ და ისევ იმ გარემოებებიდან, რომელიც არსებობს. ვისაც ახლა სესხის პროცენტი გაეზარდათ, როგორც კი გადაივლის ეს ფაქტორები, რეფინანსირების საპროცენტო განაკვეთი შემცირდება და მათი საპროცენტო განაკვეთიც შემცირდება. ამასთან, როდესაც სესხები ლარშია აღებული აღარ მოქმედებს ე.წ. ვალუტის კურსის გაუფასურების ეფექტი“, - განაცხადა გვენეტაძემ.