ჟირინოვკსის აზრით, ახალი წლის ღამეს უკრაინის და დასავლეთის დაბომბვა საუკეთესო გადაწყვეტილება იქნებოდა - “ღამით, 4-5 საათზე, როცა ყველა უკვე კარგად შემთვრალია, მაშინ უნდა დაბომბო"
რუსეთის ლიბერალურ-დემოკრატიული პარტიის ლიდერმა და დუმის დეპუტატმა, ვლადიმერ ჟირინოვსკიმ განაცხადა, რომ 31 დეკემბრიდან 1-ლ იანვრამდე უკრაინისა და დასავლეთის დაბომბვა უნდა დაიწყოს. მან ეს განცხადება "პირველ არხზე” გააკეთა. “ღამით, 4-5 საათზე, როცა ყველა უკვე კარგად შემთვრალია, მაშინ უნდა დაბომბო, მაგრამ ყველას დახოცვა არ არის საჭირო, სელექციურად - ვინც აუცილებლად დასასჯელია, ისინი უნდა შეაშინო", - განაცხადა მან.
ჟირინოვსკის თქმით, ის სწორედ ასეთ ზომებს მიიღებდა, რუსეთის პრეზიდენტი თვითონ რომ ყოფილიყო.
დუმის დეპუტატის მიხედვით, მძლავრი კონფლიქტი, რომელიც მასშტაბებით მესამე მსოფლიო ომის ტოლფასი იქნება, 2027 წლისთვისაა მოსალოდნელი:
"2026 წელს ჩემი 80 წლის იუბილე მშვიდად აღმანიშნინეთ და მას შემდეგ, ჩემს 85 წლის დაბადების დღემდე თუ არ დაიწყებთ ომს, დიდად დამავალებთ", - თქვა ჟირინოვსკიმ.
ამავე დროს, ვლადიმერ ჟირინოვსკიმ გაიხსენა, რომ ადრე უკრაინაში იმდენად აურაცხელი რაოდენობის იარაღი ჰქონდათ, რომ შეიძლება მთელი ომისთვის ყოფილიყო საკმარისი, თუმცა „ყველაფერი გაძარცვეს, გაყიდეს..." - თქვა მან.
მოამზადა ანა სიბოშვილმა