როგორ ჩააცვა დემნა გვასალიამ ლეგენდარულ მადონას - 63 წლის პოპვარსკვლავის საახალწლო წვეულების სტილი (ფოტოები)
ახალი წლის ღამის წვეულებისთვის ყველა განსაკუთრებით ემზადება ხოლმე, მათ შორის ცხადია, პოპულარული ადამიანებიც. ამ დროს ცდილობენ განსაკუთრებულად მომხიბვლელად გამოიყურებოდნენ და შთამბეჭდავი სამოსი ჩაიცვან.
ამჯერად ყურადღება მიიპყრო პოპის დედოფლად აღიარებულმა 63 წლის მადონამ, რომელსაც წვეულებაზე "ბალენსიაგას“ სამოსი ეცვა - ნაცრისფერი კოსტიუმი მბრწყინავი ელემენტებით.
ფოტოებს "ინსტაგრამ" გვერდი Demnagram აქვეყნებს.
მადონა არ არის ერთადერთი ვარსკვლავი, რომელიც ქართველი დიზაინერის, დემნა გვასალიას მიერ შექმნილი სამოსით იმოსება.
დემნას ნამუშევრები კიმ კარდაშიანისა და ქანიე უესთის ფავორიტია. აღსანიშნავია, რომ საშობაო ფოტოსესიის დროს კარდაშიანების მთელ ოჯახს "ბალენსიაგას“ სამოსი ეცვა.