ავტორი:

ვრცელდება ინფორმაცია, რომ მომღერალ თემურ წიკლაურის საფლავზე არსებული ქანდაკება დააზიანეს - "როგორც ჩანს, ბრინჯაო ეგონათ..."

ვრცელდება ინფორმაცია, რომ მომღერალ თემურ წიკლაურის საფლავზე არსებული ქანდაკება დააზიანეს - "როგორც ჩანს, ბრინჯაო ეგონათ..."

სოცილაურ ქსელში ვრცელდება ინფორმაცია, რომ ყველასთვის საყვარელი მომღერლის თემურ წიკლაურის საფლავზე არსებული ქანდაკება დააზიანეს.

ინფორმაციას და ამის ამსახველ ფოტოებს "ფეისბუქმომხმარებელი" Nina Marji ავრცელებს, რომელიც წერს:

“რა სამარცხვინო ხალხი ვართ ხანდახან...

ვიღაც იმბეცილს, თუ იმბეცილებს, ჩვენი საამაყო მომღერლის თემურ წიკლაურის საფლავზე მისი ქანდაკება გაუფუჭებიათ... როგორც ჩანს, ბრინჯაო ეგონათ და მის (ქანდაკების) ხელებში არსებული დედამიწის ბურთულა მოუგლეჯიათ! მერე ნახეს, რომ ბრინჯაო არ იყო და იქვე გადააგდეს...

ასევე დაგლეჯილი იყო ყვავილების გვირგვინი... გაიგეთ, არაა ეს ფერადი ლითონი, არის თაბაშირით გაკეთებული და ხელი აღარ ახლოთ, ვანდალებო!!!!! რა ხალხი ხართ, სად იზრდებით, რა აზროვნება და გონება გაქვთ ასეთი სამარცხვინო? ან კი გაქვთ საერთოდ?..ფოტოებზე ჩანს ეს ვანდალიზმი და თუ ეს პოსტი მივა ამის ჩამდენებამდე, ვეტყვი, რომ თქვენ ხართ ქართველი ერის სირცხვილი! ფუი, თქვენს კაცობას და ადამიანობას!!!!"

ცნობილი ქართველი მომღერალი, სახალხო არტისტი, თემურ წიკლაური 75 წლის ასაკში, 2021 წლის 1-ლ თებერვალს გარდაიცვალა.

მისი მდგომარეობა კორონავირუსმა დაამძიმა, ის ერთი თვე ებრძოდა ვირუსს. ექიმებმა მისი გადარჩენა ვერ შეძლეს.