ავტორი:

"ევროპროდუქტი“ - პრემიუმ ხარისხის პროდუქციის მთავარი იმპორტიორი საქართველოში

"ევროპროდუქტი“ - პრემიუმ ხარისხის პროდუქციის მთავარი იმპორტიორი საქართველოში

დღეს, გაცილებით მეტი ინფორმაცია გვაქვს იმაზე, თუ როგორი გავლენა აქვს ჩვენს ჯანმრთელობაზე კვებას. ამიტომ, სულ უფრო ვცდილობთ, მავნე დანამატებით გაჯერებულ პროდუქტებზე უარი ვთქვათ და არჩევანი ჯანსაღ საკვებზე შევაჩეროთ. მეორეს მხრივ, მარკეტებში ამგვარი პროდუქტების დიდი არჩევანი არ გვაქვს და მათი სხვადასხვა ადგილას მოძიება გვიწევს. ამ რეალობის შეცვლა მიზნად მაღაზიათა ქსელმა „ევროპროდუქტმა“ დაისახა და პრემიუმ ხარისხის ევროპულ პროდუქციას ერთ სივრცეში მოუყარა თავი. ამასთან, მან ქართველ მომხმარებლებს ორგანული, ულაქტოზო, უგლუტენო, ვეგანური და უშაქრო პროდუქციის ფართო ასორტიმენტიც შესთავაზა.

„ევროპროდუქტი“, ქართულ ბაზარზე, 17 წლის წინ გამოჩნდა. თავიდან, მხოლოდ სადისტრიბუციო კომპანია იყო და ადგილობრივ მაღაზიებს, თუ ქსელებს ევროპული პროდუქციით ამარაგებდა. ეს დღესაც ასეა, თუმცა ამასთან ერთად, 2014 წელს „ევროპროდუქტმა“ თბილისში პირველი სუპერმარკეტი გახსნა. დღეს კი, ის საქართველოს დედაქალაქსა და რაიონებში 30 ფილიალითაა წარმოდგენილი. ბრენდის მაღაზიებში წამყვანი ევროპული ბრენდების 2000-მდე სახეობის პროდუქტია ხელმისაწვდომი. დროთა განმავლობაში, მსოფლიოს წამყვანი მწარმოებლების განსაკუთრებული ნდობაც მოიპოვა და ბევრი მათგანისგან ექსკლუზიური იმპორტის უფლება მიიღო.

რა ბრენდები და რა ტიპის პროდუქციაა წარმოდგენილი „ევროპროდუქტში“?!

„ევროპროდუქტს“ საქართველოში ექსკლუზიურად შემოაქვს ისეთი ბრენდების პროდუქცია, როგორიცაა დანიური „არლა“, „ლურპაკი“, ჰოლანდიური „ფრიკო“ და ფინური „ვალიო“.

რძის პროდუქტები საფრანგეთიდან „ elle de vire” და გერმანიიდან „ ბაიერლენდი“.

ასევე ესპანური ხორცპროდუქტების ბრენდი „ელპოზო“ და ნორვეგიული თევზი „ლეროი“. ეს ორივე ბრენდი მსოფლიოში თავიანთი მაღალი ხარისხითაა ცნობილი, „ელპოზოს“ სრული ხაზი უგლუტენოა, ხოლო ნამდვილი ნორვეგიული Leroy-ს თევზი, ოკეანიდანაა და არა ტბიდან, ცივ წყლებში, ველურადაა გაზრდილი და ეს ხდის მას განსაკუთრებულად ხარისხიანს და გემრიელს.

„ევროპროდუქტში“ ისეთი პროდუქტების შეძენაცაა შესაძლებელი, რომლებიც მხოლოდ „დუტი ფრიში“ იყიდება. მაგალითად, აქ Anthon Berg-ის, Ritter Sport-ის, Mozart Reber-ის, Walkers-ის, Cachet-ის და სხვა ცნობილი ბრენდების ტკბილეულია ხელმისაწვდომი.

ბრენდების სია საკმაოდ ვრცელია და წლების განმავლობაში ევროპროდუქტი ინარჩუნებს თანამშრომლობას და ექსკლუზიურობის უფლებას ყველა მათთგანთან.

„ევროპროდუქტის“ მიერ შემოტანილი პროდუქციის 40%-ზე მეტი მის მაღაზიათა ქსელში ექსკლუზიურად იყიდება. გარდა ამისა, რადგანაც თავად არის ამ ბრენდების ექსკლუზიური იმპორტიორი და დისტრიბუტორი, პროდუქტებზე ყველაზე ხელმისაწვდომი ფასებია.

რატომ ნიშნავს ევროპული ხარისხიანს?!

ევროპაში, პროდუქტები მაღალი სტანდარტების დაცვით იწარმოება. ისინი ევროკავშირის მიერაა დადგენილი. გარდა ამისა, საკუთარი რეგულაციები აქვს ცალკეულ ქვეყნებსაც. პროდუქციის შემოწმების ევროპული ჯაჭვი რამდენიმე ციკლს მოიცავს და დამზადების, ჰიგიენის, შენახვის, შეფუთვისა და ლოჯისტიკის მკაცრ მონიტორინგს გულისხმობს. შესაბამისად, ევროკავშირის მიერ გაცემული სერტიფიკატები, რომლებიც პროდუქციის მაღალ ხარისხს ადასტურებს, მხოლოდ დადგენილი ნორმებისა და წესების სრული დაცვის შემთხვევაში გაიცემა.

შესაბამისი წესების დაცვის ვალდებულება აქვთ იმპორტიორ და დისტრიბუტორ კომპანიებსაც. მაღალი სტანდარტების მქონე ბრენდების მიზანია, მათმა პროდუქციამ მომხმარებლამდე ნებისმიერ ქვეყანაში იდეალურ მდგომარეობაში მიაღწიოს. „ევროპროდუქტიც“, როგორც ამგვარი ბრენდების ექსკლუზიური წარმომადგენელი საქართველოში, ვალდებულია, სტანდარტების სრული დაცვით წარმართოს პროდუქტების ტრანსპორტირება თუ მისი დასაწყობება.

„ევროპროდუქტი“ ზრდას უწყვეტად განაგრძობს – გეგმავს არა მხოლოდ ქსელის გაფართოებას, არამედ ქართველი მომხმარებლისთვის პრემიუმ ხარისხისა და ჯანსაღი ევროპული პროდუქტების ასორტიმენტის კიდევ უფრო გამრავალფეროვნებას. მისი საბოლოო მიზანი კი, საქართველოში კვების სტანდარტის შექმნაში თავისი წვლილის შეტანაა.

R