კოლექტიური უსაფრთხოების ხელშეკრულების ორგანიზაციის სამშვიდობოები ყაზახეთში სამხედრო ოპერაციებში მონაწილეობას არ მიიღებენ
რუსეთის თავდაცვის სამინისტროს მიერ გავრცელებული ინფორმაციით, კოლექტიური უსაფრთხოების ორგანიზაციის სამშვიდობოები სამხედრო ოპერაციებში მონაწილეობს არ მიიღებენ.
უწყების განცხადებით ორგანიზაციის ამოცანაში მხოლოდ მნიშვნელოვანი ობიექტების დაცვა შედის და ისინი ყაზახეთის ძალოვანი სტრუქტურების ოპერატიულ-საბრძოლო საქმიანობაში არ ჩაერთვებიან.
"სამშვიდობო კონტინგენტის ქვედანაყოფები ასრულებენ ამოცანებს სასიცოცხლო მნიშვნელობის ობიექტების, აეროდრომების, ძირითადი სოციალური ინფრასტრუქტურის დასაცავად“, - აცხადებენ სამინისტროში.
კოლექტიური უსაფრთხოების ხელშეკრულების ორგანიზაციის (ОДКБ) ამჟამინდელი თავმჯდომარე ნიკოლ ფაშინიანია. ორგანიზაციაში ხუთი ქვეყნის: რუსეთის, სომხეთის, ბელარუსის, ტაჯიკეთისა და ყირგიზეთის სამხედროები შედიან.