ავტორი:

"შეთქმულებს სურდათ პრეზიდენტ თოყაევის ხელისუფლებიდან ჩამოშორება" - ნურსულთან ნაზარბაევის ყოფილი მრჩეველი

"შეთქმულებს სურდათ პრეზიდენტ თოყაევის ხელისუფლებიდან ჩამოშორება" - ნურსულთან ნაზარბაევის ყოფილი მრჩეველი

შეთქმულებმა, ჩემი აზრით, დაისახეს მიზანი - გადაეყენებინათ პრეზიდენტი თოყაევი ხელისუფლებიდან. ამის გაკეთება სურდათ ისე, როგორც ეს მოხდა უკრაინაში თავის დროზე, - ამის შესახებ პოლიტოლოგმა და რესპუბლიკის პირველი პრეზიდენტის, ნურსულთან ნაზარბაევის ყოფილმა მრჩეველმა ერმუჰამეთ იერთისბაევმა ადგილობრივ სახელმწიფო ტელევიზიასთან საუბრისას აღნიშნა.

მისი აზრით, ამ მასშტაბის "სახელმწიფო გადატრიალება“ არ შეიძლება განხორციელდეს "ძალაუფლების უმაღლეს ეშელონებში მოღალატეების გარეშე, განსაკუთრებით ძალოვან სტრუქტურებში“.

მისი თქმით, უსაფრთხოების ძალებმა, რომლებიც იცავდნენ ალმათის აეროპორტს, მიიღეს ბრძანება, სრულად მოეხსნათ კორდონი და დაცვა მომიტინგეების შეჭრამდე.

გარდა ამისა, იერთისბაევი ირწმუნება, რომ ყაზახეთის ეროვნული უსაფრთხოების კომიტეტმა იცოდა ქვეყნის მთებში არსებული სასწავლო ბანაკების შესახებ, რომლებიც, სავარაუდოდ, ამზადებდნენ მომიტინგეებს, მაგრამ მალავდნენ ამ ინფორმაციას.

შეგახსენებთ, რომ ყაზახეთის ხელისუფლებამ 4 იანვარს თხევადი აირის ფასის მნიშვნელოვანი ზრდის შესახებ განაცხადა, რასაც ქვეყანაში საპროტესტო აქციები მოჰყვა. მასშტაბური დემონსტრაციების ფონზე ყაზახეთის პრეზიდენტმა ყასიმ-ჟომართ თოყაევმა მთავრობის გადადგომის გადაწყვეტილებას მოაწერა ხელი. ამის მიუხედავად საპროტესტო აქციები ქვეყანაში კვლავ გაგრძელდა.