"ვერ წარმოიდგენთ, როგორი ადამიანები ტოვებენ სამყაროს.." - კორონავირუსით პროფესორი თინათინ ზალდასტანიშვილი გარდაიცვალა
პროფესორი თინათინ ზალდასტანიშვილი კორონავირუსით გარდაიცვალა. ინფორმაციას ამის შესახებ მისი ახლობლები და მეგობრები სოციალურ ქსელში ავრცელებენ და პროფესორს იხსენებენ.
"თქვენ ვერ წარმოიდგენთ, როგორი ადამიანები ტოვებენ სამყაროს... მეტისმეტია ამ ვერაგი ვირუსისგან... ქალბატონი თინათინ ზალდასტანიშვილი იყო ადამიანი, პროფესორი, რომელიც უბრალოდ უნდა გენახათ, გესაუბრათ, დასწრებოდით მის ლექციებს...
ის ნამდვილად იყო პროფესორი, რომელიც რაობის ძებნაში მყოფ სტუდენტს კითხვებზე პასუხს აპოვნინებდა...
ყოველი ჩემი საერთაშორისო ტრენინგზე გრანტის მოპოვებისას მილოცავდა, მლოცავდა, გამომკითხავდა სად, რაზე მივდიოდი, რა იყო თემა და ტრენინგის მატერიალები ჩამომეტანა... რადგან ის მუდმივ შემეცნების მოყვარული იყო "თსუ"-ს და "სდასუს" ყველა სტუდენტს დარწმუნებული ვარ კარგად ახსენდება ქალბატონი თინათინი, რომელიც უბრალოდ ცოცხალი ბიბლიოთეკა იყო, იმდენად ბევრი წიგნი ჰქონდა წაკითხული, რომ წიგნის პასაჟების მსგავსების 20-30 მაგალითს მაინც მოიყვანდა სხვა ლიტერატურიდან... ძალიან დამწყვიტეთ გული... დიდი მეგობარი გამომაკლდით", - წერს სოციალურ ქსელში ჟურნალისტი ლაშა ბაბუხადია.