აშშ-ში მამაკაცს გენეტიკურად მოდიფიცირებული ღორის გული გადაუნერგეს - "ან უნდა მოვმკვდარიყავი, ან გადანერგვის ოპერაცია გამეკეთებინა"
ამერიკელი მამაკაცს - დევიდ ბენეტს, გენეტიკურად მოდიფიცირებული ღორის გულის გადაუნერგეს. 57 წლის ბენეტი ექსპერიმენტული, 7-საათიანი ოპერაციის შემდეგ, თავს კარგად გრძნობს.
გულის ტრანსპლანტი მისი გადარჩენის ერთადერთი იმედიღა იყო, თუმცა ჯერ მაინც უცნობია, სიცოცხლეს რამდენი ხნით გაუხანგრძლივებს გადანერგილი გული.
"ან უნდა მოვმკვდარიყავი, ან გადანერგვის ოპერაცია გამეკეთებინა, ეს ჩემი უკანასკნელი არჩევანი იყო" - თქვა დევიდმა.
ოპერაციამდე 6 კვირის განმავლობაში, ლოგინს იყო მიჯაჭვული და სპეციალური აპარატის საშუალებით ცოცხლობდა.
- ქირურგი ბარტლი გრიფიტი ფიქრობს, რომ ამ ოპერაციამ 1 ნაბიჯით ახლოს მიიყვანა მსოფლიო ორგანოების სიმცირის კრიზისის გადაჭრამდე. (მხოლოდ აშშ-ში, ყოველდღიურად 17 ადამიანი ხვდება ტრანსპლანტის მოლოდინში).
2021 წლის ოქტომბერში, ნიუ იორკელმა ქირურგებმა გამოაცხადეს, რომ ადამიანს წარმატებით გადაუნერგეს ღორის გული, მაგრამ ამ შემთხვევაში, პაციენტის ტვინი გათიშული იყო და არც მისი გამოჯანმრთელების შანსი არსებობდა.
ბენეტმა წინა კვირას თქვა, რომ ერთი სული აქვს საწოლიდან წამოდგეს. ორშაბათის მონაცემებით, ის უკვე თავისით ახერხებდა სუნთქვას, აპარატის გარეშე.
მიუხედავად იმისა, რომ ექიმები ზუსტ პასუხს ვერ ეუბნებიან, პაციენტი იმედიანადაა და სჯერა, რომ ახალი გულით კიდევ დიდხანს იცოცხლებს.
მოამზადა ანა სიბოშვილმა