ავტორი:

დელტაკრონი: კორონავირუსის ახალი ვარიანტი, თუ ლაბორატორიული შეცდომა? - რა დაადგინეს მეცნიერებმა

დელტაკრონი: კორონავირუსის ახალი ვარიანტი, თუ ლაბორატორიული შეცდომა? - რა დაადგინეს მეცნიერებმა

კვიპროსის უნივერსიტეტის მკვლევარი, ლეონიდის კოსტრიკისი ირწმუნება, რომ კორონავირუსის ახალი ვარიანტი აღმოაჩინა, რომელიც დელტა და ომიკრონ შტამებს აერთიანებს. მისი ჯგუფის მიერ ჩატარებული კვლევის ბოლო მონაცემებით, "დელტაკრონის“ უკვე 25 შემთხვევა აღმოაჩინეს.

კოსტრიკისს თუ დავუჯერებთ, "დელტაკრონი" ზემოთ აღნიშნული ორივე ვარიანტის ე.წ. ჰიბრიდია, თუმცა სხვა მეცნიერებს ამაში ეჭვი ეპარებათ.

საზოგადოებას აშინებს ახალი ვარიანტის შესაძლებლობები, აქვთ კითხვები იმასთან დაკავშირებით, თუ რამდენად მძიმე მიმდინარეობა ახასიათებს, ან რამდენად გადამდებია, თუმცა სანამ აღნიშნულს გაარკვევენ, მეცნიერებმა კვიპროსელი მკვლევრის აღმოჩენა კითხვის ნიშნის ქვეშ დააყენეს.

  • თომას პიკოკი, ლონდონის ბარკლის ლაბორატორიის მკვლევარი ფიქრობს, რომ "დელტაკრონი“ არაა ბუნებრივად წარმოქმნილი და ლაბორატორიული დაბინძურების შედეგადაა მიღებული.

მან "ტვიტერზე" პოსტც გამოაქვეყნა, სადაც დაწერა, რომ ეს ლაბორატორიის ხარისხზე და მუშაობაზე არაა დამოკიდებული და რომ მსგავსი შემთხვევები ყველგან ხდება.

<blockquote class="twitter-tweet"><p lang="en" dir="ltr">Small update: the Cypriot &#39;Deltacron&#39; sequences reported by several large media outlets look to be quite clearly contamination - they do not cluster on a phylogenetic tree and have a whole Artic primer sequencing amplicon of Omicron in an otherwise Delta backbone.</p>&mdash; Tom Peacock (@PeacockFlu) <a href="https://twitter.com/PeacockFlu/status/1479910337730293774?ref_src=twsrc%5Etfw">January 8, 2022</a></blockquote> <script async src="https://platform.twitter.com/widgets.js" charset="utf-8"></script>

ამგვარი ეჭვების მოსმენის შემდეგ, კოსტრიკისმა თავისი კვლევები დაიცვა და თქვა, რომ გამოვლენილი შემთხვევები, ევოლუციის შედეგად მუტაციების "შეძენისკენ“ მიდრეკილებისგანაა გამოწვეული და ეს არ ყოფილა ლაბორატორიის ნიმუშების დაბინძურების შედეგი.

კვიპროსელმა მეცნიერმა დაამატა, რომ მან სხვადასხვა ქვეყნებიდან მიღებული ნიმუშების რამდენიმე პროცედურის გავლის შემდეგ დაასკვნა "დელტაკრონის“ არსებობა.

ჯეფრი ბარეტი, რომელიც Wellcome Sanger Institute-ის კოვიდ-19-ის გენომის მკვლევარია, "დელტაკრონის“ საკითხსაც გაეცნო და ამბობს, რომ ეს ვარიანტი არაა ბიოლოგიურად "დელტასა“ და "ომიკრონის“ გაერთიანების შედეგად მიღებული.

როგორც "დოიჩე ველე" წერს, ეს არ გვაძლევს საშუალებას აღარ ვიღელვოთ. ექიმი და ფრანკფურტის საუნივერსიტეტო საავადმყოფოს მაღალი პათოგენური დაავადებების საიზოლაციო განყოფილების ხელმძღვანელია ტიმო ვულფი, ამბობს, რომ მაინც სიფრთხილით უნდა მივუდგეთ ამ ამბავს და დარწმუნებულები რომ ვიყოთ, კიდევ "რამდენიმე კვირა უნდა ვადროვოთ უტყუარი და ზუსტი კვლევის შედეგის გაგებას."

წყარო: DW.com

მოამზადა ანა სიბოშვილმა