"ევროპაში ომის რისკი ახლა უფრო დიდია, ვიდრე ოდესმე ბოლო 30 წლის განმავლობაში“ - პოლონეთის საგარეო საქმეთა მინისტრი
"ევროპა ომთან იმაზე ახლოსაა, ვიდრე 30 წლის წინ იყო" - ინფორმაციას Reuters პოლონეთის საგარეო საქმეთა მინისტრის ეუთო-ს შეხვედრაზე გაკეთებულ განცხადებაზე დაყრდნობით ავრცელებს.
ზბიგნევ რაუმ ევროპის უსაფრთხოებისა და თანამშრომლობის ორგანიზაციის წევრი ქვეყნების წარმომადგენლებს მიმართა.
"როგორც ჩანს, ეუთო-ს არეალში ომის რისკი ახლა უფრო დიდია, ვიდრე ოდესმე ბოლო 30 წლის განმავლობაში“, - თქვა რაუმ გამოსვლაში.
"რამდენიმე კვირაა ჩვენ აღმოსავლეთ ევროპაში დიდი სამხედრო ესკალაციის პერსპექტივის წინაშე ვდგავართ“, - დასძინა მან.
ევროპის უსაფრთხოებისა და თანამშრომლობის ორგანიზაციის კონსულტაციები ვენაში დასრულდა. დიპლომატის თქმით, მათ ყურადღება უნდა გაამახვილონ უკრაინისა და მის გარშემო კონფლიქტის მშვიდობიან მოგვარებაზე.