ავტორი:

"ნუ გაეხვევით მაქინაციურ სქემებში! პანდემია ფულის საკეთებელი თემა არ არის" - რას წერს დაავადებათა კონტროლის ცენტრის თანამშრომელი  PCR ტესტებზე?

"ნუ გაეხვევით მაქინაციურ სქემებში! პანდემია ფულის საკეთებელი თემა არ არის" - რას წერს დაავადებათა კონტროლის ცენტრის თანამშრომელი  PCR ტესტებზე?

დაავადებათა კონტროლის ეროვნული ცენტრის თანამშრომელი გიგა გვეტაძე "პისიარ" ტესტებთან დაკავშირებით მიმართვას ავრცელებს. როგორც ის წერს, ტესტის გაკეთება ვირუსის სიმპტომების მქონე პირებისთვის უფასოა და მოუწოდებს საზოგადოებას, ნუ მოტყუვდებიან და ტესტში ფასს ნუ გადაიხდიან.

"ჩემი მეგობრების საყურადღებოდ!!! მაღალი ინტერესიდან გამომდინარე გადავწყვიტე ეს პოსტი დამეწერა: ომიკრონი გააქტიურდა, დაიწყო საგრძნობი მატება ახალი შემთხვევების, მე როგორც დაავადებათა კონტროლის თანამშრომელი და საკითხში კომპეტენტური პირი, სრული პასუხისმგებლობით გეუბნებით, რომ ნებისმიერ თქვენგანს სიმპტომების არსებობის შემთხვევაში (სიცხე, ხველა, თავის ტკივილი, კუნთების ტკივილი, გვერდების ტკივილი და ა.შ) ან თუკი ხართ კონტაქტი კოვიდ ინფიცირებულის და დაგეწყოთ ანალოგიური სიმპტომები, თქვენ გეკუთვნით კოვიდ 19 ტესტირება უფასოდ!!!!სახელმწიფო ანაზღაურებს თქვენს როგორც სწრაფ, ასევე პსრ კვლევას.

მექანიზმი მუშაობს შემდეგნაირად: თუკი ბოლო 72 საათის განმავლობაში სახელმწიფოს პროგრამის ფარგლებში არ ხართ გატესტილი (უფასოდ) , მიდიხართ ნებისმიერ პოლიკლინიკაში თუ ნიმუშის ამღებ დაწესებულებაში რომელიც ჩართულია სახელმწიფო პროგრამაში(ანუ უფასოდ გიკეთებთ სწრაფ ტესტს), ეუბნებით თქვენი ჩივილებისა და სიმპტომების შესახებ, უფასოდ იკეთებთ სწრაფ ტესტს, ელოდებით შედეგს 15-20 წუთის განმავლობაში და უარყოფითი შედეგის შემთხვევაში ითხოვთ უფასო პჯრ (PCR) ტესტის ჩატარებას, ეს მათი ვალდებულებაა !!!!

იცოდეთ თქვენი უფლებები და ნუ გაეხვევით მაქინაციურ სქემებში!!! ადამიანის ჯანმრთელობა და პანდემია ფულის საკეთებელი თემა არ არის, იცოდეთ თქვენი უფლებები.ასევე გთხოვთ გაგებით მოეკიდოთ შექმნილ ვითარებას, ის რომ სიმპტომების არსებობის შემთხვევაში უფასოდ გეკუთვნით ტესტირება არ ნიშნავს იმას რომ ისტერიულად ყოველ 72 საათში ერთხელ იკეთოთ სწრაფი ტესტი და შემდეგ პსრ კვლევა!!!

გაზრდილი მოთხოვნა pcr ტესტებზე ზრდის ლაბორატორიებზე დატვირთვას, იწვევს ლაბორატორიული სეგმენტის გადატვირთვას და ხდება პასუხების შეფერხებით გაცემა. სანამ ტყუილა გაიტესტებით დაფიქრდით რომ ვიღაც სხვას თქვენს ახლობელს ან თუნდაც გვერდში მდგომს უფრო მეტად ჭირდება დროზე მიიღოს მისი კვლევის შედეგი, რადგან სახლში მოხუცები ყავს, პატარა ბავშვები ყავს და ა.შ.P.S - ვისაც მწვანე პასპორტი არ გაქვთ, არ იცრებით და არც გადაგიტანიათ კოვიდი - სახელმწიფო რესტორანში შესასვლელად და თქვენი გულაობისთვის საჭირო ტესტს არ აფინანსებს!

გაიკეთეთ პირბადე, მოერიდეთ ხალხმრავლობას, დაიცავით დისტანცია რიგებში. ყველას გთხოვთ გააზიაროთ პოსტი ან გადასცეთ თქვენს ახლობლებს ეს ინფორმაცია, რათა მაქსიმალურად ბევრი ადამიანის ინფორმირება მოვახდინოთ!მადლობა" - წერს გვეტაძე.