ვაჟის გარდაცვალების შემდეგ, შინეიდ ო'კონორი კლინიკაში გადაიყვანეს
პოპულარულ ირლანდიელ მომღერალს, შინეიდ ო'კონორს თავს დიდი უბედურება დაატყდა, მისი 17 წლის ვაჟი გასულ კვირაში გარდაცვლილი იპოვეს. მას შემდეგ მომღერალმა სოციალურ ქსელში არაერთი პოსტი ამოაქვეყნა
"ტვიტერში" გამოქვეყნებულ ერთ-ერთ ბოლო წერილში კი მიანიშნა, რომ "შვილთან წასვლას" გეგმავდა.
ამავე დღეს, მან მომდევნო პოსტში ბოდიში მოიხადა: "ბოდიში. ეს არ უნდა მეთქვა. ახლა პოლიციელებთან ერთად ვარ და კლინიკაში გადავყავარ. ყველას ბოდიშს ვუხდი შეშინებისთვის", - წერდა შინეიდ ო'კონორი.
მომღერლის ვაჟი, შეინ ო'კონორი 5 იანვარს გაუჩინარდა. მას 2 დღის განმავლობაში განუწყვეტლივ ეძებდა სასოწარკვეთილი დედა და შინ დაბრუნებას სთხოვდა. პოლიციამ ბიჭი 7 იანვარს გარდაცვლილი იპოვა.
მედიის ცნობით, შეინი ფსიქოლოგიური პრობლემების გამო, გარკვეული პერიოდის განმავლობაში კლინიკაში მკურნალობდა.
წყარო: thestar
მოამზადა ანა სიბოშვილმა