ავტორი:

"იყო საუბარი იმაზე, რომ საბავშვო ბაღში მხოლოდ ორჯერადად აცრილი ოჯახებიდან მიგვეღო ბავშვები, მაგრამ..." - გურჯაანის მერი

"იყო საუბარი იმაზე, რომ საბავშვო ბაღში მხოლოდ ორჯერადად აცრილი ოჯახებიდან მიგვეღო ბავშვები, მაგრამ..." - გურჯაანის მერი

გურჯაანის მუნიციპალიტეტის მერიაში განიხილებოდა საბავშვო ბაღებში კოვიდრეგულაციების გამკაცრების საკითხი. კერძოდ. როგორც მუნიციპალიტეტის მერი, ზურაბ უტიაშვილი გვეუბნება, იყო საუბარი იმაზე, რომ ბაღში მხოლოდ ორჯერადად აცრილი ოჯახების ბავშვებს მიეღოთ. თუმცა, მერის თქმით, აღნიშნულ ინიციატივას გარკვეული წინააღმდეგობა მოჰყვა, რის გამოც საბოლოოდ რეგულაცია არ დააწესეს.

ზურაბ უტიაშვილის თქმით, ორშაბათიდან, 24 იანვრიდან, გურჯაანის საბავშვო ბაღებში ბავშვებს შეზღუდვის გარეშე მიიღებენ. თუმცა, მისივე თქმით, არავაქცინირებული მშობლების შვილებზე განსაკუთრებული მეთვალყურეობა დაწესდება.

"ეს იყო მხოლოდ ერთ-ერთი ვერსია, ინიციატივა. თუმცა საბოლოოდ არ მივიღეთ. თანამშრომლებზეც განიხილებოდა შეზღუდვის დაწესება, თუმცა არც ეს რეგულაცია დავაწესეთ, რადგან ჩვენი თანამშრომლების 90% ორჯერადად აცრილია. ვეცდებით პროპაგანდისა და რეგულაციების მკაცრი დაცვით ავირიდოთ თავიდან ვირუსის გავრცელება. " - უთხრა AMBEBI.GE -ს გურჯაანის მერმა.

მძიმე ეპიდემიოლოგიური ვითარების გამო, გურჯაანში ბაღები 2021 წლის ნოემბრის შემდეგ დახურულია.