ჩრდილოეთ კორეამ 2017 წლის შემდეგ ყველაზე ძლიერი რაკეტა გამოსცადა
ჩრდილოეთ კორეამ, ქვეყნის აღმოსავლეთ ნაწილში 2017 წლის შემდეგ ყველაზე ძლიერ რაკეტა გამოსცადა. BBC-ის ინფორმაციით, რაკეტა ადგილობრივი დროით 07:52 საათზე გაუშვეს.
სამხრეთ კორეისა და იაპონიის თავდაცვის სამინისტროების ცნობით, რაკეტამ 30 წუთის განმავლობაში იფრინა, 2 000 კილომეტრის სიმაღლეს მიაღწია და იაპონიის ზღვაში ჩავარდა.
მათივე თქმით, ეს ბოლო 1 თვის მანძილზე ჩრდილოეთ კორეის მხრიდან რაკეტების მე-7 გამოცდაა.
ჩრდილოეთ კორეამ მიმდინარე თვის დასაწყისში განაცხადა, რომ შეერთებული შტატების წინააღმდეგ თავდაცვას გააძლიერებს და ყველა დროებით შეჩერებული საქმიანობის განახლებას აპირებს.