კონკურსის „გახდი ბესტსელერის ავტორი 2022“ გამარჯვებულები ცნობილია

გამომცემლობა "პალიტრა L"-ის კონკურსი „გახდი ბესტსელერის ავტორი 2022” დასრულდა. ხალხმა და ჟიურიმ არჩევანი 15 ფინალისტს შორის გააკეთა.

გამარჯვებულები უკვე ცნობილია:

მკითხველის რჩეულია - ირაკლი არიშვილი

ჟიურის რჩეულია - ოლანი ბიწაძე

მკითხველის და ჟიურის ერთობლივი არჩევანია - ანუკი შატაკიშვილი

„გახდი ბესტსელერის ავტორი 2022“ -ის მონაწილეებმა ნაწარმოების წარდგენიდან გამარჯვებამდე საკმაოდ რთული კონკურენცია გამოიარეს. გამოცდილი და კომპეტენტური ჟიურისთვისაც საკმაოდ რთული აღმოჩნდა ამ ათობით განსხვავებულ ნამუშევარში საუკეთესოების ამორჩევა.

კონკურსის „გახდი ბესტსელერის ავტორი 2022“ ჟიურის წევრები იყვნენ:

დიანა ანფიმიადი - მწერალი;

თეონა დოლენჯაშვილი - მწერალი;

ლექსო დორეული - ლიტერატურისმცოდნე, ფილოსოფოსი.

„პალიტრა L”-ის ლიტერატურულმა კონკურსმა არაერთი საინტერესო ავტორი აღმოაჩინა, რომელთა ნამუშევრებიც გაყიდვებით ტოპ წიგნების სიაში მოხვდა.

გამარჯვებული კონკურსანტების ნამუშევრებს გამომცემლობა „პალიტრა L“ 2022 წლის შემოდგომაზე გამოსცემს.