"ნეტაი, აცრილებს არ დაგვიჭერდნენ" - როგორ აფასებს საზოგადოება "მწვანე პასპორტების" გაუქმებას: გამოხმაურებები სოციალური ქსელიდან
საქართველოში ე.წ. მწვანე პასპორტის მოთხოვნის ვალდებულება გაუქმდა. შესაბამისი გადაწყვეტილება საკოორდინაციო საბჭომ მიიღო, რასაც საბჭოში მსოფლიო პრაქტიკით ხსნიან.
"ომიკრონის“ გავრცელების სწრაფი ტემპისა და ვირუსის სუსტი მიმდინარეობის, ასევე მსოფლიო პრაქტიკის გათვალისწინებით, "მწვანე პასპორტის“ მოთხოვნის ვალდებულება უქმდება, თუმცა აღრიცხვიანობის ყველა სისტემა კვლავ მოქმედი რჩება და ის პირები, რომლებსაც "მწვანე პასპორტი“ საზღვარგარეთ გასამგზავრებლად ესაჭიროებათ, კვლავინდებურად შეძლებენ ამ მექანიზმით სარგებლობას", - განაცხადა უწყებათაშორის საკოორდინაციო საბჭოსთან არსებული ოპერაციული შტაბის უფროსმა გიორგი ღიბრაძემ.
საკოორდინაციო საბჭოს გადაწყვეტილებას სოციალურ ქსელში არაერთი სახალისო გამოხმაურება მოჰყვა. ვნახოთ, როგორი რეაქცია გამოიწვია ადამიანთა ნაწილში "მწვანე პასპორტების" გაუქმებას.
სცენარისტი ქეთი დევდარიანი გადაწყვეტილებას შემდეგი მიმით ეხმიანება:
დათო ლიკლიკაძე, ჟურნალისტი: "ნეტაი აცრილებს არ დაგვიჭერდნენ".
ირაკლი გაფრინდაშვილი: "პანდემია მართეს ანტივაქსერებმა".
პეტრე კოლხი: "ბოლოს გამოაცხადებენ, ვიხუმრეთ, თორემ არც არაფერი ყოფილა, რატომ აიცერითო!.."
დავით გაბუნია: "ის გოგო დაამშვიდეთ, კაფეში ვერ შევალო, რომ იტირა. "დღეიდან შეხვალ, დედუ დარიჩინი და შოკოლადი მოვაყარო გულის ფორმაზე თუ არა?"
ნინჩო ჯიბლაძე: "მალე ვაქცინირებულებს ქუჩაში აღარ გაგვიშვებენ და ვიაროთ მერე ერთმანეთთან ჯოკერის სათამაშოდ".