ავტორი:

"ძალიან გულნატკენი ვარ... არ შეიძლება, ჩემი საქმე ვაკეთო ისე, რომ არცერთ პოლიტიკურ პარტიას არ ვეკუთვნოდე?" - ეკა ჩხეიძე

"ძალიან გულნატკენი ვარ...  არ შეიძლება, ჩემი საქმე ვაკეთო ისე, რომ არცერთ პოლიტიკურ პარტიას არ ვეკუთვნოდე?" - ეკა ჩხეიძე

ეკა ჩხეიძე რამდენიმე თვის განმავლობაში ტელეკომპანია "ფორმულაზე“ გადაცემა "ყვითელი ყუთის“ წამყვანი გახლდათ. ახალი წლის შემდეგ, არხზე რეორგანიზაცია მოხდა და რამდენიმე გადაცემასთან ერთად, "ყვითელი ყუთიც“ დაიხურა.

მარჯანიშვილის თეატრის მსახიობი სოციალურ ქსელში გამოქვეყნებულ სტატუსში წერს, რომ მისთვის, როგორც მსახიობისთვის, პანდემიის დროს ამ გადაცემის არსებობას ძალიან დიდი მნიშვნელობა ჰქონდა, თუმცა ამბობს, რომ ამის გამო აკრიტიკებენ...

ეკა ჩხეიძე:

"ძალიან გულნატკენი ვარ, გულაცრუებულიც და მინდა, გაგიზიაროთ. თქვენი აზრით, თუ "ნაცი" არ ვარ, "ქოცი" ვარ, ან თუ "ქოცი" არ ვარ, აუცილებლად "ნაცებს" ვეთაყვანები? - არ შეიძლება, ჩემი საქმე ვაკეთო ისე, რომ არცერთ პოლიტიკურ პარტიას არ ვეკუთვნოდე?

გუშინ, ერთმა საკმაოდ გავლენიანმა პიროვნებამ მითხრა: "ფორმულას“ გამო, მაგარ შარში ხარო", მინდა ამ ადამიანს ვუპასუხო:

პირველი, რომ მე ვარ მსახიობი და საარსებოდ მჭირდება შემოსავალი (თეატრის ხელფასზე 1 თვეც არ გამყოფოთ ღმერთმა). დიდი მადლობა წამყვანობის გამოცდილებისთვის ჩემს დამსაქმებელს, მითუმეტეს "გაყინული თეატრების“ პერიოდში ეს ჩემთვის ძალიან დროული და საჭირო იყო. გაჩერება მსახიობისთვის მომაკვდინებელია...

მეორეც, "ფორმულაზე“ მიმყავდა "ყვითელი ყუთი“ და არა პოლიტიკური თოქ-შოუ. თუმცა, დღეს "ფორმულაზე“ აღარ ვმუშაობ, მაგრამ ეს ცალკე თემაა...

მესამეც, პოლიტიკა არასოდეს ყოფილა ჩემი ინტერესის სფერო, პოლიტიკაზე კამათის უფლებასაც არ ვაძლევ საკუთარ თავს, იმიტომ, რომ არ არის ეს ჩემი საქმე და ვერც ვერკვევი!

მეტსაც გეტყვით, მეზიზღება მიტინგები, გადაკეტილი ქუჩები, ხმაური და შარდის სუნით აყროლებული მიმდებარე სადარბაზოები, საშინელ დისკომფორტს გვიქმნის იმ ტერიტორიაზე მაცხოვრებლებს, მენდეთ.

ალბათ ჯობია, თუნდაც არქიტექტორმა ხაზოს პროექტები ისე, რომ მისთვის არ ქონდეს მნიშვნელობა დამკვეთის პოლიტიკურ ორიენტაციას! რეჟისორმა დადგას სპექტაკლები! დიახ, რეჟისორმა! პოლიტიკოსები მიხედავენ თავის საქმეს, ზოგი ცუდად, ზოგი - უკეთესად (ყველგან მარტო ცუდი ან მარტო კარგი არ არსებობს...)

მეც შევეცდები განვაგრძო ცხოვრება, ჩემი საქმე ვაკეთო და დაგიმტკიცოთ, რომ

არ ვარ შარში...

P.S. რამოდენიმემ ისიც მითხრა: შენს გადაცემას ვერ ვუყურებ, "ნაცების" ტვ-ს ვერ ვიტანო! მათაც დიდი მადლობა გულშემატკივრობისთვის...

არ მეგონა, კლარა ცეტკინი და როზა ლუქსენბურგი თუ მყავდა მეგობრებში..."