პრინც ჩარლზს სამართალდამცველებთან პრობლემები აქვს - რა სკანდალში გაეხვა ამჯერად ბრიტანეთის სამეფო ოჯახის წარმომადგენელი
ბრიტანეთის პრინც ჩარლზს სამართალდამცველებთან პრობლემები აქვს. ლონდონის პოლიცია პრინცის საქველმოქმედო ორგანიზაციასთან დაკავშირებულ საქმეს იძიებს.
არსებული ინფორმაციით, ორგანიზაციამ საუდის არაბეთის მოქალაქეს შემოწირულობის სანაცვლოდ, საპატიო წოდება და ბრიტანეთის მოქალაქეობა შესთავაზა. ამჟამად გამოძიება მიმდინარეობს და ჯერჯერობით დამტკიცებული არაფერია.
პრინცის უფლებადამცველები აცხადებენ, რომ ჩარლზს აღნიშნულის შესახებ ინფორმაცია არ ჰქონდა და სავარაუდო დანაშაული მისი გვერდის ავლით მოხდა.
გამოცემა Sunday Times-მა ჩაატარა გამოძიება და ირწმუნება, რომ ჩარლზის საქველმოქმედო ორგანიზაციის ყოფილი აღმასრულებელი დირექტორი, მაიკლ ფოსტეი საუდელ ბიზნესმენს, მაჰფუზ მარეი მუბარაქ ბინ მაჰფუზის დაეხმარა, რომ ბრიტანეთის საპატიო ორდენი მიეღო, ეს ერთ-ერთი უმაღლესი ჯილდოა, რომელიც შეიძლება მიენიჭოს არადიდგვაროვან მოქალაქეს.
ჯილდოები დედოფალ ელისაბედ მეორის მიერ ყოველწლიურად გადაეცემა ბრიტანეთის იმ მოქალაქეებს, რომლებსაც "საზოგადოებრივ ცხოვრებაში მიღწევები აქვთ" და "იკისრეს ვალდებულება ემსახურონ და თავიანთი წვლილი შეიტანონ დიდი ბრიტანეთის წარმატებაში", - ნათქვამია გაერთიანებული სამეფოს მთავრობის ვებსაიტზე გამოქვეყნებულ ინფორმაციაში.
წყარო: CNN
მოამზადა ანა სიბოშვილმა