"დონბასში ფრაქცია "ხალხის მსახურის" დეპუტატებსა და უცხოური მედიის წარმომადგენლებს ცეცხლი გაუხსნეს" - რა ინფორმაციას ავრცელებს მედია?
ფრაქცია "ხალხის მსახურის“ დეპუტატებსა და უცხოური მედიის წარმომადგენლებს დონბასში გაერთიანებული ძალების ოპერაციის ზონაში, უკრაინელი სამხედროების ერთ-ერთ პოზიციაზე ცეცხლი გაუხსნეს. ამის შესახებ ინფორმაცია ფრაქცია „ხალხის მსახურის“ პრესმდივანმა იულია პალიიჩუკმა „ტელეგრამის“ გვერდზე გაავრცელა.
"ერთ-ერთ პოზიციაზე სახალხო დეპუტატებსა და უცხური მედიის წარმომადგენლებს ცეცხლი გაუხსნეს, რის შემდეგაც მათი თავშესაფარში ევაკუაცია განხორციელდა,“- განაცხადა ფრაქციის პრეს-მდივანმა.
უკრაინული მედიის ინფორმაციით, ფრაქცია „ხალხის მსახურის“ თავმჯდომარე დავიდ არახამია და სხვა სახალხო დეპუტატები გაერთიანებული ძალების ოპერაციის ზონაში დღეს ჩავიდნენ.