რუსეთი უკრაინიდან დიპლომატიური პერსონალის ევაკუაციას გეგმავს
რუსეთის საგარეო საქმეთა სამინისტროს ინფორმაციით, რუსეთი თავის დიპლომატიურ პერსონალს უკრაინიდან „მათი სიცოცხლისა და უსაფრთხოების დასაცავად“ გაიყვანს.
"შექმნილ ვითარებაში ჩვენი უპირველესი პრიორიტეტია ვიზრუნოთ რუს დიპლომატებზე და საელჩოსა და გენერალური საკონსულოების თანამშრომლებზე.
მათი სიცოცხლისა და უსაფრთხოების დასაცავად, რუსეთის ხელმძღვანელობამ მიიღო გადაწყვეტილება უკრაინაში რუსეთის საგარეო მისიების პერსონალის ევაკუაციის შესახებ, ღონისძიება, რომელიც უახლოეს მომავალში განხორციელდება“, - ნათქვამია განცხადებაში.