"დაიწყო კიევზე შეტევა სარაკეტო თავდასხმებით" - რა ინფორმაციას ავრცელებს უკრაინის შს მინისტრის მრჩეველი?

შეტევა დაიწყო კიევზე სარაკეტო თავდასხმებით, - CNN-ის ინფორმაციით, ამის შესახებ უკრაინის შინაგან საქმეთა მინისტრის მრჩეველმა, ანტონ გერაშჩენკომ განაცხადა.

ტელეკომპანიის ცნობით, გერაშჩენკო "ფეისბუქის" საკუთარ გვერდზე წერს, რომ კიევსა და ხარკოვში იბომბება საკონტროლო პუნქტები, როგორიცაა აეროდრომები და სამხედრო შტაბები, საზღვრის გასწვრივ კი საარტილერიო ცეცხლია გახსნილი.