დონეცკში რუსული ჭურვები საავადმყოფოს ტერიტორიაზე ჩამოვარდა - დაიღუპა 4 და დაშავდა 10 ადამიანი
დონეცკის ოლქის ქალაქ უგლედარში რუსული სამხედრო ჭურვები საავადმყოფოს ტერიტორიაზე ჩამოვარდა, დაიღუპა ოთხი და დაშავდა 10 მშვიდობიანი მოქალაქე.
უკრაინული მედიის ინფორმაციით, ამის შესახებ დონეცკის სამხედრო-სამოქალაქო სამხარეო ადმინისტრაციის ხელმძღვანელმა პაველ კირილენკომ „ფეისბუქზე“ დაწერა.
"უგლედარში რუსეთის საოკუპაციო ჯარებმა 4 ადამიანი მოკლეს და 10 დაჭრეს. დაჭრილებს შორის 6 ექიმია,“ - წერს კირილენკო.
მისი თქმით, დაჭრილების მდგომარეობა სხვადასხვა სიმძიმისაა.