"საფრანგეთის საგარეო საქმეთა მინისტრი შეშფოთებულია მოლდოვასა და საქართველოს წინააღმდეგ რუსეთის შესაძლო სამხედრო თავდასხმის გამო" - მედია
საფრანგეთის საგარეო საქმეთა მინისტრის ჟან-ივ ლე დრიანის განცხადებით, რუსეთის პრეზიდენტი, ვლადიმერ პუტინი უკრაინის სახელმწიფოებრიობის განადგურებას ცდილობს.
"ეს არის ტოტალური ომი. პუტინმა გადაწყვიტა ამოიღოს უკრაინა ქვეყნების რუკიდან", - აღნიშნა ლე დრიანმა რადიო France Inter-თან ინტერვიუში.
მისი თქმით, უკრაინის პრეზიდენტის ვოლოდიმირ ზელენსკის უსაფრთხოებას საფრთხე ემუქრება.
ჟან-ივ ლე დრიანმა ასევე განაცხადა, რომ საფრანგეთი "შეშფოთებულია" ორი პოსტსაბჭოთა ქვეყნის, მოლდოვასა და საქართველოს წინააღმდეგ რუსეთი მიერ შესაძლო სამხედრო თავდასხმის განხორციელების გამო.
ინფორმაციას გამოცემა "დოიჩე ველე“ ავრცელებს.