"როგორც ბევრი თქვენგანი, მეც ვლოცულობ უკრაინელი ხალხისთვის" - რას წერს ანჯელინა ჯოლი უკრაინაში რუსეთის შეჭრაზე
"როგორც ბევრი თქვენგანი, მეც ვლოცულობ უკრაინელი ხალხისთვის" - ასე გამოეხმაურა ჰოლივუდის ვარსკვლავი, გაეროს ლტოლვილთა უმაღლესი კომისრის სპეციალური დესპანი ანჯელინა ჯოლი უკრაინაში მიმდინარე საომარ მოქმედებებს.
მისი თქმით, მნიშვნელოვანია, რომ ომის პერიოდში იძულებით გადაადგილებული პირებისა და ლტოლვილების უფლებების დაცვა უზრუნველყოფილი იყოს.
"ჩემი, ისევე როგორც გაეროს ლტოლვილთა უმაღლესი კომისარიატიდან ჩემი კოლეგების ფოკუსი არის, რომ ყველაფერი გაკეთდეს, რათა უზრუნველყოფილი იყოს იძულებით გადაადგილებულ პირთა და ლტოლვილთა პიროვნული და ადამიანის საბაზისო უფლებების დაცვა. ჩვენ უკვე ვნახეთ განცხადებები მსხვერპლის შესახებ და ცნობები, რომ ადამიანებმა უკვე დაიწყეს საკუთარი სახლების დატოვება უსაფრთხოების საძიებლად. ძალიან ადრეა იმის სათქმელად, თუ რა შეიძლება მოხდეს, მაგრამ ამ მომენტის მნიშვნელობა უკრაინელი ხალხისთვის და საერთაშორისო სამართლისთვის შეუძლებელია იყოს გადაჭარბებული,“- განაცხადა ანჯელინა ჯოლიმ "ტვიტერის“ გვერდზე.