"Starlink სერვისი ახლა უკრაინაში აქტიურია" - ილონ მასკის მხარდაჭერა უკრაინას IT არმიის შესაქმნელად: რას წერს მსოფლიოს უმდიდრესი ადამიანი
მსოფლიოს უმდიდრესმა ადამიანმა, Space X-ის და "ტესლას" დამფუძნებელმა ილონ მასკმა უკრაინას „სტარლინკის“ სერვისით სარგებლობის საშუალება მისცა. ამის შესახებ ინფორმაცია ილონ მასკმა „ტვიტერზე“ გაავრცელა.
მისი თქმით, "Starlink სერვისი ახლა უკრაინაში აქტიურია".
შეგახსენებთ, რომ "სტარლინკის“ ტერმინალების გამოყენების უფლების თხოვნით ილონ მასკს უკრაინის ციფრული ტრანსფორმაციის მინისტრმა მიხაილ ფედოროვმა მიმართა.
"ძვირფასო ილონ მასკ! სანამ თქვენ ცდილობთ მარსის კოლონიზაციას - რუსეთი ცდილობს უკრაინის კოლონიზაციას! სანამ თქვენი რაკეტები წარმატებით ეშვება კოსმოსიდან - რუსული რაკეტები ბომბავს უკრაინის საბავშვო ბაღებსა და საავადმყოფოებს! ჩვენ გვჭირდება მხარდაჭერა - გთხოვთ, უკრაინას მიაწოდოთ Starlink სადგურები და წვდომა სატელიტური ინტერნეტით! ” - დაწერა მინისტრმა.
მოგვიანებით კი მინისტრმა აღნიშნა: "ჩვენ ვქმნით IT არმიას". მისი თქმით, შეიქმნა არხი, სადაც ციფრული ნიჭის მქონე ადამიანები გაერთიანდებიან. მისი თქმით, გრძელდება "ბრძოლა კიბერ ფრონტზე".