Google-მა რუსული სახელმწიფო მედიის მონეტიზაცია შეაჩერა

Google-მა გადაწყვეტილება მიიღო რუსული სახელმწიფო მედიასაშუალებების მონეტიზაცია შეაჩეროს. ამის შესახებ სააგენტო Reuters-ი წერს.

სააგენტოს მონაცემებით, კომპანიამ განაცხადა, რომ დროებით აკრძალავს რუსულ სახელმწიფო დაფინანსებაზე მყოფ მედიას, განათავსოს რეკლამა მის სერვისებზე.

მანამდე YouTube-მა დაადასტურა, რომ რუსული არხების მონეტიზაცია უკრაინაში რუსეთის მიერ წარმოებული სამხედრო ოპერაციის გამო დაბლოკა.

აქამდე რუსული მედიის მონეტიზაცია დაბლოკა ასევე კომპანიამ Meta, რომელსაც სოციალური ქსელები Facebook და Instagram ეკუთვნის.