კანადა რუსული თვითმფრინავებისთვის საჰაერო სივრცეს ხურავს
კანადის ტრანსპორტის მინისტრის, ომარ ალღაბრას განცხადებით, კანადის საჰაერო სივრცე ყველა რუსული თვითმფრინავისთვის დაკეტილია.
"კანადის საჰაერო სივრცე დაკეტილია ყველა რუსული თვითმფრინავისთვის. ჩვენ პასუხს ვაგებინებთ რუსეთს უკრაინის წინააღმდეგ არაპროვოცირებული თავდასხმებისთვის“, - განაცხადა ომარ ალღაბრამ.
შეგახსენებთ, მსგავსი გადაწყვეტილებები სხვა ქვეყნებმაც მიიღეს, მათ შორის, ფინეთმა, ირლანდიამ, ბულგარეთმა, ჩეხეთმა, ესტონეთმა, გერმანიამ, იტალიამ, საფრანგეთმა, პოლონეთმა და გაერთიანებულმა სამეფომ.