"დაყარეთ იარაღი და წადით, გადაარჩინეთ თქვენი სიცოცხლე, რაში გჭირდებათ ეს ყველაფერი, რაში?" - ვოლოდიმირ ზელენსკის მიმართვა რუს სამხედროებს

"დაყარეთ თქვენი იარაღი და წადით. არ დაუჯეროთ თქვენს მეთაურებს, არ დაუჯეროთ თქვენს პროპაგანდისტებს, უბრალოდ გადაარჩინეთ თქვენი სიცოცხლე და წადით", - ასე მიმართა უკრაინის პრეზიდენტმა ვოლოდიმირ ზელენსკიმ უკრაინაში შეჭრილ რუს სამხედროებს რუსულ ენაზე.

პრეზიდენტმა რუს ოკუპანტებს ცეცხლის დაუყოვნებლივ შეწყვეტისკენ მოუწოდა და განაცხადა, რომ გაუგებარია, რისთვის მივიდნენ ისინი უკრაინის ტერიტორიაზე, იმის გათვალისწინებით, რომ რუსი სამხედროების მხრიდან მსხვერპლი 4 ათას აჭარბებს.

"უკვე 4,5 ათასი რუსი ჯარისკაცია მოკლული. რისთვის მოხვედით თქვენ ყველა აქ? რისთვის მოდიან თქვენი ჯავშანტექნიკის კოლონები ჩვენ წინააღმდეგ ყირიმიდან, ჩვენი ყირიმიდან: იალტიდან, ევპატორიიდან, სადაკიდან, სიმფეროპოლიდან. ეს ხომ არ არის ტანკისტებისთვის სამხედრო ბანაკების დასახლებები. კიდევ ერთხელ: 4,5 ათასი მოკლული რუსი ოკუპანტია.

რუსეთის სახელმწიფო განიცდის ისეთ ზარალს, თითქოს ომმა მათ ტერიტორიაზეც გაიარა. რაში გჭირდებათ ეს ყველაფერი? რაში? რუს დედებს, რუს მასწავლებლებს, რუს მწარმოებლებს, უბრალოდ ადამიანებს - რაში სჭირდებოდათ?“, - განაცხადა ზელენსკიმ.