"შემომხედეთ თვალებში და მითხარით, როგორ გძინავთ ღამით, როდესაც იცით, რომ რუსული ბომბებით ბავშვები იხოცებიან?" - ბრიტანელი ჟურნალისტის ემოციური შეკითხვა ლავროვს
ონლაინპრესკონფერენციისას ბრიტანელმა ჟურნალისტმა რუსეთის საგარეო საქმეთა მინიტრს, სერგეი ლავროვს, ემოციური კითხვით მიმართა:
"ბატონო მინისტრო, მინდა გკითხოთ ბავშვზე, რომელიც რუს სამხედროებს ემსხვერპლა, თქვენც გყავთ შვილები, შემომხედეთ თვალებში და მითხარით: როგორ გძინავთ ღამით, როდესაც იცით, რომ რუსული ბომბებით და ტყვიებით ბავშვები იხოცებიან?" - ჰკითხა ლავროვს ჟურნალისტმა.
აღნიშნული კითხვის პასუხად, სერგეი ლავროვმა განაცხადა, რომ რუს ჯარისკაცებს ნაბრძანები აქვთ მხოლოდ მაღალი სიზუსტის იარაღი გამოიყენონ, თუმცა, როგორც თავად აღნიშნა, ყველა სამხედრო მოქმედებას თან ახლავს მსხვერპლი.
"სხვას ვერაფერს დავამატებ, რაც უკვე ვთქვი - ნებისმიერი ადამიანის სიცოცხლე შეუფასებელია. ყველა სამხედრო მოქმედებას თან ახალვს მსხვერპლი. ჩვენს სამხედროებს მკაცრად აქვთ ნაბრძანები, რომ მხოლოდ მაღალი სიზუსტის იარაღი გამოიყენონ სამხედრო იარაღის გასანადგურებლად. ყაზარმებიც, კი სადაც უკრაინელი სამხედროები არიან, თავდასხმას არ ექვემდებარებიან. მხოლოდ სამძიმარი შემიძლია გამოვხატო", - მიუგო ლავროვმა ჟურნალისტს.