რუსულმა ძალებმა ხერსონის სახელმწიფო ადმინისტრაციის შენობა დაიკავეს
რუსმა ჯარისკაცებმა ხერსონის სამხარეო სახელმწიფო ადმინისტრაციის მთელი შენობა დაიკავეს, - ამის შესახებ ადმინისტრაციის ხელმძღვანელი გენადი ლაგუტა "ფეისბუქზე“ წერს.
"სამხარეო ოპერატიული შტაბი, რომელსაც მე ვხელმძღვანელობ, აგრძელებს მუშაობას და მოსახლეობის დასახმარებლად საჭირო საკითხების გადაჭრას. ველოდებით ჰუმანიტარულ დახმარებას,”- წერს გენადი ლაგუტა.
ამასთან, ქალაქ ხერსონის მცხოვრებლებმა CNN-თან საუბარში განაცხადეს, რომ ქალაქში პანიკა და ქაოსია და საკვებისა და მედიკამენტების სერიოზული დეფიციტია.