"ატომურ ელექტროსადგურზე ბირთვული უსაფრთხოება დაირღვა" - ზაპოროჟიეს ატომური ელექტროსადგურის გენერალური დირექტორი
ზაპოროჟიეს ატომურ ელექტროსადგურზე ბირთვული უსაფრთხოება დაირღვა, - ამის შესახებ ატომური ელექტროსადგურის გენერალური დირექტორი იგორ მურაშოვი აცხადებს.
"ყველაფერს ვაკეთებთ, მაგრამ ხანძარი გრძელდება, მეხანძრეებს არ უშვებენ. დიდი რისკები არსებობს. რეაქტორებს საფრთხე ემუქრება", - აღნიშნა მურაშოვმა.
შეგახსენებთ, უკრაინული მხარის ინფორმაციით, რუსულმა ძალებმა ზაპოროჟიეს ატომური ელექტროსადგურის ნაგებობები დაბომბეს, რამაც ხანძარი გამოიწვია.