"ზაპოროჟიეს ატომურ ელექტროსადგურზე რადიოაქტიური მასალის გავრცელება არ მომხდარა" - ატომური ენერგიის საერთაშორისო სააგენტო
ატომური ენერგიის საერთაშორისო სააგენტოს გენერალური დირექტორი რაფაელ გროსი აცხადებს, რომ ზაპოროჟიეს ატომურ ელექტროსადგურზე რადიოაქტიური მასალის გავრცელება არ მომხდარა.
"ატომური ელექტროსადგურის ტერიტორიაზე ჭურვი ერთ-ერთ შენობას მოხვდა, რომელიც არ არის რეაქტორების ნაწილი. ამ ფაქტმა გამოიწვია ლოკალური ხანძარი, რომელიც სახანძრო-სამაშველო ბრიგადამ ჩააქრო. უსაფრთხოების ყველა სისტემა არ დაზიანებულა. რადიოაქტიური მასალის გაშვება არ მომხდარა,“- განაცხადა რაფაელ გროსმა.