რუსეთის საჰაერო იერიში ქალაქ ბელაია ცერკოვში - დაზიანდა 20 სახლი, არიან დაშავებულები (ფოტო)
კიევის ოლქის ქალაქ ბელაია ცერკოვში რუსული სამხედრო ძალის მიერ განხორციელებული საჰაერო იერიშის შედეგად 20 სახლი დაზიანდა, არიან დაშავებულები.
ამის შესახებ ინფორმაციას კიევის ოლქის პოლიცია სოციალურ ქსელში ავრცელებს.
"ავიაიერიში ბელაია ცერკოვზე: დაზიანებულია 20 საცხოვრებელი სახლი. არიან დაშავებულები", - ნათქვამია განცხადებაში.
დაშავებულების ზუსტი რაოდენობის შესახებ ინფორმაცია ამ დრომდე არ ვრცელდება.
პოლიცია და საგანგებო სიტუაციების მართვის სახელმწიფო სამსახური მოსახლეობას აფეთქების შედეგების დაძლევაში ეხმარება.