"უკრაინის მოლაპარაკებების მონაწილე უკრაინული მხრიდან ღალატში ამხილეს და სავარაუდოდ, ლიკვიდირებულია" - გამოცემა "ობოზრევატელი"
გამოცემა "ობოზრევატელის“ ინფორმაციით, რუსეთ-უკრაინის მოლაპარაკებების პირველი რაუნდის ჯგუფის წევრი უკრაინიდან, დენის კირეევი ღალატში ამხილეს. გავრცელებული ცნობების მიხედვით, კირეევი, სავარაუდოდ ლიკვიდირებულია.
უკრაინული მედია წერს, რომ პრეზიდენტის აპარატი კირეევს მოლაპარაკების მონაწილედ არ წარმოადგენდა. მათივე ინფორმაციით, მისი სახელი პრესსამსახურის მიერ გამოქვეყნებულ სიაში არ იყო, თუმცა ფოტოსა და ვიდეოში ის კიევის წარმომადგენლების გვერდით მაგიდასთან ჩანს.