რუსეთის უმსხვილესი ავიაკომპანია ბელარუსის გარდა, ყველა საერთაშორისო ფრენას აჩერებს
რუსეთის უმსხვილესი ავიაკომპანია „აეროფლოტი“, 8 მარტიდან, ბელარუსიის გარდა საზღვარგარეთ ყველა ფრენას შეაჩერებს - ამის შესახებ ინფორმაციას რუსული სახელმწიფო საინფორმაციო სააგენტო „რია ნოვოსტი“ ავრცელებს. საერთაშორისო ფრენებს, ასევე გააუქმებენ „როსია“ და „ავრორა“ ავიახაზებიც.
შეგახსენებთ, დასავლური სანქციები რუსეთის საავიაციო ინდუსტრიასაც შეეხო. არაერთმა ქვეყანამ რუსული თვითმფრინავებისთვის საჰაერო სივრცე დაკეტა.