"ნატოს ქვეყნებს უკრაინაში მოიერიშე თვითმფრინავების გასაგზავნად "მწვანე შუქი“ აქვთ ანთებული" - ენტონი ბლინკენი
შეერთებული შტატების სახელმწიფო მდივანმა ენტონი ბლინკენმა განაცხადა, რომ ნატოს წევრებს აქვთ უფლება უკრაინას საბრძოლო თვითმფრინავები გაუგზავნონ , - ინფორმაციას ამის შესახებ CBS NEWS ავრცელებს.
"ამას მწვანე შუქი აქვს“, - თქვა ბლინკენმა "Face the Nation“-თან ინტერვიუში, როდესაც ჰკითხეს, შეეძლო თუ არა პოლონეთს როგორც ნატოს წევრ ქვეყანას, უკრაინაში მოიერიშე თვითმფრინავების გაგზავნა.
თეთრი სახლის პრესსპიკერმა CBS News-ს განუცხადა, რომ ბაიდენის ადმინისტრაცია განიხილავს პოლონეთისთვის თვითმფრინავების მიწოდების შესაძლებლობებს, თუ ოფიციალური ვარშავა გადაწყვეტს მოიერიშეები უკრაინას გადასცეს.