ხარკოვზე მიტანილი ავიაიერიშის შედეგად 8 ადამიანი დაიღუპა
რუსული ძალების მიერ ხარკოვზე მიტანილი ავიაიერიშის შედეგად სულ მცირე 8 ადამიანი დაიღუპა. განადგურებულია ათობით საცხოვრებელი სახლი.
ადგილზე მუშაობს საგანგებო სიტუაციების მართვის სამსახური, რომელთა ინფორმაციითაც, დაბომბვის შედეგად სრულად ან ნაწილობრივ არის განადგურებული მრავალსართულიანი საცხოვრებელი სახლები, ადმინისტრაციული შენობები, სამედიცინო ინსტიტუტები სასწავლო დაწესებულებები და საერთო საცხოვრებლები.
მასშტაბური ხანძარი გაჩნდა ქალაქის ცენტრალურ ნაწილში მდებარე 21 შენობაში.
მაშველებმა ხანძრის დროს 200-მდე ადამიანის გადარჩენა და ევაკუაცია შეძლეს. ადგილობრივი ხელისუფლება ჯერ კიდევ აახლებს ინფორმაციას შესაძლო მსხვერპლთან დაკავშირებით.