რა ზარალი მიადგა რუსეთის საოკუპაციო ჯარს მიმდინარე ომის განმავლობაში?
უკრაინელმა სამხედროებმა 11 000 რუსი სამხედრო მოსამსახურე მოკლეს, გაანადგურეს 117 რუსული საარტილერიო სისტემა, 50 მრავალჯერადი სარაკეტო გამშვები მოწყობილობა და 68 ვერტმფრენი, - ამის შესახებ უკრაინის სპეციალური კომუნიკაციებისა და ინფორმაციის დაცვის სახელმწიფო სამსახური (SSSCIP) „ტვიტერის“ საკუთარ გვერდზე წერს.
უკრაინის მიერ გავრცელებული "საომარი მდგომარეობის" უახლესი ინფორმაციის თანახმად, სულ განადგურებულია რუსეთის კუთვნილი 290 ტანკი, 46 თვითმფრინავი, 7 უპილოტო საფრენი აპარატი, 23 საჰაერო თავდაცვის აღჭურვილობის ერთეული, 999 ჯავშანტრანსპორტიორი, 454 ავტოტრანსპორტი, 60 ცისტერნა და 3 ხომალდი.