"სამწუხაროა, რომ ჩემი წასვლის მიზეზი კალათბურთს არ უკავშირდება, მაგრამ ცხოვრებაში არჩევანი უნდა გააკეთო" - რას წერს თორნიკე შენგელია
საქართველოს ეროვნული საკალათბურთო ნაკრების კაპიტანმა, თორნიკე შენგელიამ რამდენიმე დღის წინ მოსკოვის ცსკა-ს რიგები დატოვა. შენგელიამ გადაწყვეტილება რუსული სამხედროების უკრაინაში შეჭრის შემდეგ მიიღო. კალათბურთელმა ყოველივე სწორედ რუსეთის უკრაინაში შეჭრას დაუკავშირა.
გუშინ ცნობილი გახდა, რომ შენგელია კლუბ Virtus Segafredo Bologna-ს წევრი გახდა.
თორნიკე სოციალურ ქსელში ამჯერად პოსტს აქვეყნებს. როგორც კალათბურთელი წერს, სამწუხაროა, რომ მისი წასვლის მიზეზი კალათბურთს არ უკავშირდება.
"გასული წელიწადნახევრის განმავლობაში ბევრი აღმასვლა და დაცემა იყო, იყო ემოციური ტალღები მოედანზე და მის მიღმა, მაგრამ ასევე მქონდა შესაძლებლობა მეთამაშა მაღალი დონის კლუბში.
მინდა პირადად გადავუხადო მადლობა ანდრეი ვატუტინსა და ნატალია ფურაევას. მათ პირველივე მომენტიდან აჩვენეს, როგორ მაფასებდნენ და ყველაფერი გააკეთეს იმისთვის, რომ თავი კომფორტულად მეგრძნო.ასევე, მინდა ვისარგებლო შემთხვევით, მადლობა გადავუხადო მწვრთნელ დიმიტრი ოტიდუსს, სამწვრთნელო შტაბს, კლუბის ყველა წევრს.
რაც შეეხება ჩემს თანაგუნდელებს, ვამაყობ, რომ მათთან ვინაწილებდი გასახდელსა და მოედანს.
სამწუხაროა, რომ ჩემი წასვლის მიზეზი კალათბურთს არ უკავშირდება, მაგრამ ცხოვრებაში არჩევანი უნდა გააკეთო და ეს ჩემი გადაწყვეტილება იყო.
ახლა მე ჩემს მომავალზე ვარ ორიენტირებული“, - წერს თორნიკე შენგელია.