ჩერნობილის ატომურ ელექტროსადგურს ელექტროენერგიის მიწოდება შეუწყდა - რა საფრთხეების შესახებ ავრცელებს განცხადებას უკრაინის სახელმწიფო ბირთვული კომპანია
უკრაინის საგარეო საქმეთა მინისტრის, დმიტრი კულებას ინფორმაციით, დაზიანებულია ელექტრო ქსელი, რომელიც ჩერნობილის ატომურ ელექტროსადგურს ამარაგებს. ის მიმართავს საერთაშორისო თანამეგობრობას, რომ სასწრაფოდ მოუწოდონ რუსეთს ცეცხლის შეწყვეტისკენ, რათა მიეცეთ შესაძლებლობა ელექტროენერგიის მიწოდების აღდგენის.
"დაზიანებულია ერთადერთი ელექტრო ქსელი, რომელიც ამარაგებს ჩერნობილის ატომურ ელექტროსადგურს და მის ყველა ატომურ ობიექტს, რომელიც რუსული არმიის მიერ არის ოკუპირებული.
მოვუწოდებ საერთაშორისო თანამეგობრობას, სასწრაფოდ მოსთხოვოს რუსეთს ცეცხლის შეწყვეტა და სარემონტო განყოფილებებს მიეცეს საშუალება აღადგინონ ელექტროენერგიის მიწოდება", - წერს კულება "ტვიტერში.
<blockquote class="twitter-tweet"><p lang="en" dir="ltr">The only electrical grid supplying the Chornobyl NPP and all its nuclear facilities occupied by Russian army is damaged. CNPP lost all electric supply. I call on the international community to urgently demand Russia to cease fire and allow repair units to restore power supply 1/2</p>— Dmytro Kuleba (@DmytroKuleba) <a href="https://twitter.com/DmytroKuleba/status/1501531157510426625?ref_src=twsrc%5Etfw">March 9, 2022</a></blockquote> <script async src="https://platform.twitter.com/widgets.js" charset="utf-8"></script>- გარდა ამისა, განცხადებას ავრცელებს უკრაინის სახელმწიფო ბირთვული კომპანიაც, რომლის ცნობითაც, არსებობს საფრთხე იმისა, რომ რადიოაქტიური ნივთიერებები გამოიყოს.
"ტელეგრამის" არხზე გამოქვეყნებულ შეტყობინებაში, Energoatom-ი (უკრაინის ატომური ენერგიის მაგენერირებელი ეროვნული კომპანია) აცხადებს, რომ მაღალი ძაბვის ხაზი, რომელიც კვებავს ქარხანას, გათიშულია, მას შემდეგ, რაც რუსები ორი კვირის წინ ამ ტერიტორიაზე შეიჭრნენ.
უკრაინის ენერგეტიკის მინისტრმა, გერმან გალუშჩენკომ განუცხადა BBC-ს, რომ უკრაინას არ აქვს წვდომა სადგურზე მონიტორინგის ინფორმაციაზე და, შესაბამისად, ვერ შეაფასებს, რადიოაქტიური ნივთიერებები გამოიყოფა, თუ არა.
მისი თქმით, კვების წყაროს აღდგენა უნდა მოხდეს, მაგრამ დასძინა, რომ არსებობს "ელექტროენერგიის შეწყვეტის შემთხვევაში უსაფრთხოების სპეციალური სისტემა", რომელიც საშუალებას მისცემს ქარხანას, რამდენიმე დღის განმავლობაში იმუშაოს დიზელის გენერატორების გამოყენებით.