რუსეთში ომის საწინააღმდეგო აქციის მონაწილეები დააკავეს
რუსეთში უკრაინასთან ომის მოწინააღმდეგეთა დემონსტრაციები იმართება.ამის შესახებ ინფორმაციას BBC-ი ავრცელებს.
რუსეთის ერთ-ერთმა მთავარმა ოპოზიციონერმა, პატიმრობაში მყოფმა ალექსეი ნავალნიმ საზოგადოებას მოუწოდა, რომ ვლადიმირ პუტინისა და უკრაინაში რუსეთის შეჭრის წინააღმდეგ გამოვიდნენ.
პოლიციამ მოსკოვის ცენტრში, მანეჟნაიას მოედანზე შეკრებილ მომიტინგეთა ნაწილი დააკავა.
უცხოური მედია ამ ეტაპზე არ აკონკრეტებს, რა რაოდენობის დაკავებულზეა საუბარი.