"უკრაინამ ოკუპანტების 13 000-მდე სამხედრო გაანადგურა" - ვოლოდიმირ ზელენსკი

უკრაინელმა სამხედროებმა, ომის 18 დღის განმავლობაში 13 ათასამდე რუსი ჯარისკაცი გაანადგურეს და ეს არის რუსეთის უდიდესი დანაკარგი, ვიდრე მას ჰქონდა ჩეჩნეთის ორი ომის განმავლობაში. ამის შესახებ უკრაინის ლიდერმა ვოლოდიმირ ზელენსკიმ ვიდეომიმართვაში განაცხადა, რომელიც მის "ტელეგრამ" არხზე გამოქვეყნდა.

"უკრაინაში რუსეთის ფართომასშტაბიანი შეჭრის, ფართომასშტაბიანი აგრესიის მეთვრამეტე დღეა. ამ 18 დღის განმავლობაში თითქმის 13 000 ათასამდე ოკუპანტია მოკლული. ეს უკვე მეტია ვიდრე ჩეჩნეთის ომი დროს. რუსეთმა დაკარგა ათასი ერთეული სამხედრო ტექნიკა, 74 თვითმფრინავი, 86 შვეულმფრენი. ჩვენ განვაგრძობთ თავდაცვას“ , - განაცხადა ზელენსკიმ.

მისივე განცხადებით, დღევანდელი დღის მთავარი ამოცანაა ჰუმანიტარული ტვირთის მიწოდება მარიუპოლისთვის, საითაც კოლონა უკვე მიემართება.

"ჩვენი ჰუმანიტარული დახმარების კოლონა მარიუპოლიდან ორი საათის სავალზეა, სულ რაღაც 80 კილომეტრის დაშორებით. ყველაფერს ვაკეთებთ, რომ ოკუპანტების წინააღმდეგობა გადავლახოთ, რომლებიც მართლმადიდებელი ეკლესიის მღვდლებსაც ბლოკავენ, რომლებიც ჰუმანიტრულ ტვირთს მოყვებიან“, - განაცხადა ზელენსკიმ.

მისი თქმით, ტვირთი 100 ტონას შეადგენს, რაც მისი მოქალაქეების ძირითად მოთხოვნილებას წარმოადგენს.